Prokuroria identifikon “Xhuxhin”, nuk është Dako – ERTV

Prokuroria identifikon “Xhuxhin”, nuk është Dako

Kryeministri Edi Rama, Kryetari bashkise se Durresit, Vangjush Dako dhe Kryetari bashkise se Kavajes, Elvis Roshi, gjate ceremonise se mberritjes se makinerive dhe tubave te pare ne Shqiperi, te projektit te gazsjellesit TAP, prane Spitalles ne Durres./r/n/r/nAlbanian Prime Minister Edi Rama, Mayor of Durres Vangjush Dako and Mayor of Kavaja, Elvis Roshi, delivers a speech during the ceremony of arrival of first pipes of Trans-Adriatic Pipeline in Spitalle, near Durres, Albania, 18 April 2016. Trans-Adriatic Pipeline, TAP project, will cross Albanian territory before running undersea to Italy.

Prej disa ditësh tashmë, Partia Demokratike akuzon se “xhuxhi” që përmendet në përgjimet e nxjerra nga Prokuroria është kryetari i Bashkisë së Durrësit, Vangjush Dako. Ky i fundit i ka mohuar me forcë akuzat se bëhet fjalë për të.

Por si qëndron e vërteta?!
Pak ditë më parë në studion e “Top Talk” në “Top Channel” gazetari Artan Hoxha deklaronte se përmasat dhe posti i “xhuxhit” përkon edhe me drejtues, e ish-drejtues të tjerë të pushtetit lokal në vend.

“Do të ketë arrestime të tjera. Grupi i hetimit po punon për identifikimin e “Xhuxhit”. Nisur nga përmasat fizike, ka disa drejtues dhe ish-lokalë që i përmbushin kushtin për të qenë “xhuxhi”, u shpreh Artan Hoxha duke shtuar se “Skema ka qenë shumë më e ndërlikuar se sa e njohim ne. Në vijimësi do të ketë arrestime të tjera”.

Pra, Hoxha aludoi se bëhet fjalë për një tjetër funksionar të lartë të pushtetit lokal, ose më saktë ai këmbëngul në një ish-drejtues lokal.

E duke u nisur nga fjalët e tij, dyshimet shkojnë tek një ish-kryebashkiak socialist, i cili përmbush kushtin për përmasat e postin e kryebashkiakut, sipas Hoxhës.

Bëhet fjalë për Elvis Roshin, por duhet pritur edhe pak kohë derisa Prokuroria e Krimeve të Rënda të grumbullojë të gjitha provat që faktojnë dyshimin e lindur.

E kur provat e grumbulluara do të tregojnë se kush është “Xhuxhi”, atëherë do të lëshohet edhe fletë-arresti, qoftë ai Roshi, Dako, apo kushdo kryebashkiak i korruptuar.