Baza e izoluar e artilerisë shqiptare e fshehur në një shkëmb (FOTO) – ERTV

Baza e izoluar e artilerisë shqiptare e fshehur në një shkëmb (FOTO)


Gjatë luftës së Ftohtë, forcat e armatosura të Shqipërisë ndërtuan tunele dhe baza nëntokë në rast të një pushtimi të mundshëm.

Stephen Dowling nga BBC Future, vizitoi njërën prej tyre, të fshehur në një park kombëtar.

BBC, një tjetër artikull për bunkerët e Enver Hoxhës në Shqipëri
BBC vjen me një tjetër mbulim për Shqipërinë, për një temë që e ka trajtuar për të një njëqindtën herë: bunkerët e Enver Hoxhës në Shqipëri.

Në kuadër të temave shabllon dhe të përsëritura për Shqipërinë, si virgjëreshat e përbetuara, gjakmarrja, besa, BBC kësaj here fokusohet edhe një herë te frika e udhëheqësit shqiptar, Enver Hoxha nga pushtimi gjatë Luftës së Ftohtë, si arsyeja kryesore e ndërtimit të bunkerëve, që ende ekzistojnë në Shqipëri.

Gazetari Stephen Dowling shkruan se bunkerët në bregdetin e Vlorës vazhdojnë të ndotin rrethinat, si statuja të pashkulura nga plazhet e braktisura.

Ekipi i BBC-së gjithashtu viziton edhe zona të tjera të vendit, ku ka bunkerë, të cilët pur publikun britanik janë identifikuesit kryesorë të Shqipërisë dhe shqiptarëve, vetëm nga fakti se në BBC, dhe jo vetëm, janë prezantuar me qindra herë.