Ndodh më në fund, Gjykata lë në burg një gjykatës – ERTV

Ndodh më në fund, Gjykata lë në burg një gjykatës

Ai akuzohet për korrupsion. Arrestimi i Shkëlqim Mirit u bë një vit më parë pas një hetimi të nisur nga prokuroria nën akuzën e korrupsionit, pasi dyshohet se ka përfituar shumën prej 30 mijë eurosh në këmbim të ndryshimit të kualifikimit të veprës penale të një ngjarjeje të ndodhur në Burrel, në vitin 1997.

Gjykata dënon me 1 vit e 8 muaj burg gjyqtarin Shkëlqim Miri.

Dyshohet se gjyqtari ka ndryshuar akuzën nga vrasje, në plagosje të rëndë me dashje. I akuzuari quhet Gentian Doda, i ekstraduar kohë më parë nga Los Anxhelos, në SHBA.

Në fillim të nëntorit gjatë kontrollit të banesës iu gjetën 30 milionë lekë në shtëpi të cilat u sekuestruan fillimisht nga prokuroria . Ai ishte emëruar që prej vitit 2010 në Gjykatën e Apelit të Tiranës dhe deri në vitin 2012-të ka qenë anëtar i KLD-së.