Shqiptari i ekzekutuar në Greqi, hetuesit: Ishte qëlluar nga afër – ERTV

Shqiptari i ekzekutuar në Greqi, hetuesit: Ishte qëlluar nga afër

Shqiptari që u ekzekutua me armë zjarri në Korfuz kërkohej nga familja që prej së dielës. Ai kishte humbur çdo kontakt me të afërmit dhe për pasojë ata i ishin drejtuar policisë për ndihmë. Pas bërjes së kallëzimi, policia nisi punën për lokalizimin e shqiptarit por më kot.

Ai u gjet i vdekur një ditë më parë në një kanal në zonën Spartera, nga një shofer që po kalonte në rrugë, i cili ka njoftuar policinë në Lefkimi.

Viktima jetonte prej vitesh me familjen në Korfuz dhe emri i tij nuk bëhet me dije. Mediat fqinje raportojnë se hetuesit kanë dalë në konkluzionin se shqiptari është ekzekutuar me armë zjarri nga një distancë e afërt.