Vuçiç: Formimi i ushtrisë së Kosovës na dërgon në katastrofë – ERTV

Vuçiç: Formimi i ushtrisë së Kosovës na dërgon në katastrofë

“Janë disa gjëra të cilat thjesht nuk mund t’i lejojmë lidhur me Kosovën”, ka thënë sot presidenti i Serbisë Aleksandër Vuçiç.

Vuçiç ka thënë se për të është lajm kryesor që dikush dëshiron ta rrëmbejë Mitrovicë veriore, por është edhe deklarata e Kadri Veselit, se Ushtria e Kosovës do të formohet deri në gjysmën e dhjetorit.

“Kjo ngadalë, por sigurisht na dërgon në katastrofë. I lusim njerëzit në Europë dhe në botë të kuptojnë, edhe pse e di se i kanë problemet e tyre, çfarë problemesh do të krijohen nëse dikush nuk merret me këtë. Këtë e them pa fije humori dhe i brengosur, por jo i frikësuar”, ka thënë Vuçiç.