7 vite burg për ish-kryeministrin – ERTV

7 vite burg për ish-kryeministrin

Një gjykatë në Pakistan ka dënuar ish-kryeministrin e këtij vendi, Nawaz Sharif me 7 vjet burg, nën akuzat për posedim të aseteve përtej burimeve të njohura të të ardhurave.

Gjykata në Islamabad e ka bërë këtë njoftim sot, teksa e ka shpallur fajtor për vetëm një nga dy rastet për të cilat është gjykuar. Sharif në anën tjetër ka mohuar akuzat.

Ai ishte dënuar me 10 vjet burgim në muajin korrik për blerje të banesave luksoze në Londër. Sharif apeloi këtë dënim dhe u lirua me kusht në muajin shtator.

Pas vendimit të sotwm, gjyqtari ka urdhëruar autoritetet ta dërgojnë Sharifin në burgun Adiala afër Islamabadit, ku ishte burgosur ai fillimisht. Sharif u largua vjet nga zyra, pasi nuk u lejua të udhëheqë për herë të tretë si kryeministër.